"Maa" pukarau to ek sirhan si hoti hai dil mein aankhein jhuk jati hai
Maa sirf ek shabd hi nahi poori kaiynat sama jati hai is mein
Mamta aur Dular ki jeeti -jaagjti ek tasveer hai MAA
kehte hain paanch tatv ka bana hai ye maanav
lekin aisa nahi lagta hai bin Maa ke adhoora hai ye jeevan
kis kis naam se pukare tujhe kabhi MAA kabhi AAYI kabhi Mata
mein sath sath pranaam karti hu
Maa aur Santaan ka ye sambandh alokik hai
itni shakti hai Maa mein lagta hai ek baar pukaru to sare dard sari balayein door ho jaye
kya farishta hai Maa ishwar ka nirala tohfa hai ye Maa
ek meethi aur madhur muskan se aangan mein bahar aa jaye
phool patte mehne lage , zindagi mein ek lehar si uth jaye yahi hai laad aur payar
aankhon mein niswarth payar , samandhar si gehrai bas chale to doob jaye Maa ki mamta mein
vishal aakash si baahon ko phalye hamesha gale se lagane ko vyakul rehti hai Maa
santaan ke har dukh ko apna dukh jaan ke sehti hai wo hey Maa dhany hai tu
raat raat bhar jaag jaag kar payari kahanaiyan aur lori de kar sulati hai Maa
bin bole sab jaan jati hai wo , dabbe paunv apne bache ki aahat jaan jati hai wo
bolo na kya kahu aage ? meri kalam mein wo siyahi kahn se lau jo MAA
ke baare mein keh saku . mera naman hai un sabhi Maa ko
jinhone janma hai is shristi ke avtaaron ko , ye Maa tu salamat rahe hamesha ye dua hai meri
teri saanson se judi hai saanse meri tu jahan rahe khush aur aabad rahe .
No comments:
Post a Comment